නාවෙ කිම

හැමදාම හිරු නැගෙන මුල් පැයේ හිඳන්..

නුඹ ඒද මග බලමි නෙතු කැන් විදන්..

මුකුලිතව දැවෙන සිත පුබුදනු රිසින්..

නුඹ නාවෙ කිමද මම නොදනිමි ඉතින්..

අලු පාට හැන්දෑව ගෙවිලා ගොසින්..

ගොම්මනක අඬහැරය දස අත ඇවිත්..

නුඹ කොහිද යහතින්ද තැවෙනා සිතින්..

නිදි නොලැබ මුලු රැයම කරමී පහන්..

දෙනෙත රිදවා නැගෙන කඳුළැල් සෙමින්..

පිස දමමි මුලු ලොවට සැඟවී හොරෙන්..

වරද කිම මම කරපු රිදවන්න මෙලෙසින්..

පවසන්න හෝ එන්න අයැදිමි සොවින්..